O Beirasar Rosalía colleitou o pasado venres unha victoria por 97 a 100 vital nas aspiracións de eludir o descenso e rematar a tempada na parte alta da táboa no grupo B da Adecco Plata. O equipo santiagués foi quen de aguantar a alta anotación do encontro e no último cuarto deron mostras do gran potencial ofensivo do equipo anotando 36 puntos. A defensa, sen embargo, non foi o puntos forte do encontro pois os nosos encaixaron 26,27 e 27 puntos nos tres últimos cuartos. Na faceta anotadora destacaron Adrien Joseph con 18 puntos, José Luis Merino con 16, Marcus Wilson con 22 e 5 de 7 en tiros de tres puntos e o capitán Rogelio Legasa, con 16 puntos ós que engadiu 8 rebotes. Así o Rosalía queda terceiro da táboa a unha soa victoria do primeiro e segundo posto que ocupan respectivamente Alaior Menorca e Santurtzi. O próximo venres os rosalianos recibirán ó Qalat Cajasol para continuar na senda da victoria.

As estatísticas do encontro poden consultarse na FEB,  no seguinte enlace: http://competiciones.feb.es/estadisticas/Partido.aspx?p=666882